Category: 飲飲食食

采悅軒位於東涌世茂喜來登酒店2樓, 酒店位置絕不討好, 而且有大量工程活動喺附近, 不過見新酒店就試下啦！ 不過入到去餐廳門口就有古怪事發生, 服務員會問你有冇訂位同埋是否住客, 我同佢講冇訂位, 但佢堅持要求你講比佢聽你姓咩野先比你入去, 佢既原因喺因為要做record。😥😥 筆者入到去餐廳好少人, 睇下點心菜單有咩野食, 一頁紙睇晒。 落單唔洗點心紙, 待應記得晒我點果5碟點心。落單時間為12:30pm, 第一個點心在12:35pm到, 其它都陸續有黎。以服務質素來說是非常有效率, 5分鐘就上枱, 不過這亦反映因疫情關係客人只有10個內有關。 不過留意番, 茶喺要$25一位, 除左鐵觀音同另一種未聽過嘅茶之外。

話說K11開左間瑰麗酒店，但係住一晚價錢差唔多成HKD5000一晚，即使用Klook 住宿及餐飲優惠都要HKD4439，依個價錢可以去一轉泰國旅行，所以唔係太捨得。反而我對佢個 HOLT’s Cafe有興趣，因為佢個價錢跟K11商場的大部份餐廳差不多，當然會高價錢過一些平價餐廳，但依間野好處就係坐得舒服以及有5星級酒店的服務，無論中午或晚上去食都係好抵玩。 依間餐廳位置唔易揾，唔識可以問職員，佢地好樂意答你。餐廳門口是一間餅店 – Butterfly，十分之華麗。 再行入去就係餐廳，職員會問你係唔係住客，個人唔太明白原因，可能最後酒店check out一次過埋單或者住客有優惠。 今次叫左個乾炒牛河、日本黑豚肉豬扒、以及蝦多士，全部都好好味。 個人最鐘意就係下面依個黑豚肉豬扒，雖然價錢$270，但絕對值得，因為佢係用燒烤方法去做，骨附近既肉燒到好脆口，加上佢個汁同波菜，絕對係一絕，你唔會係屋企做到。 其它野食就唔多講，因為豬扒已經佔有我的心。順帶一提，佢地會提供餐前面包，而且好暖，食落好正，最後埋單$547!

話說近期雞煲醬興起, 突然間搞到筆者都想去買返個雞煲醬跟手整返個雞煲自己嘆下。加上近排見到新聞有報導過呢個惡魔雞煲醬所以就想試下究竟呢個雞煲醬有幾惡魔，同埋係咪真係值得用幾十蚊去買一個雞煲張哩？味道好唔好味? 首先, 我想講嘅喺買咗返嚟嘅雞煲醬看似個包裝好大包, 但實際並非如此。裏邊只喺裝住三小包嘅醬料。 其中冇料嘅醬包就係唔辣嘅雞煲醬汁, 即係個膽。另外有一包最大包就係一啲辣椒同埋花椒八角; 另外最細包嘅系一包麻辣粉。 其實都唔洗講點樣煮, 因為做法非常簡單, 將所有啲醬包倒曬落個煲度同雞一齊煮, 煮熟就可以食得。 本人最想講嘅佢個雞煲醬味道尚算可以入得口, 但係佢嘅麻辣嘅味道覺得係死嘛同死辣, 食入口除左嘛同辣之外，完全感受唔到雞煲醬應該有嘅雞味? 咁買雞番黎做咩野? 所以我買咗隻新鮮雞返嚟都係枉然, 而且浪費我嘅金錢。 若果要我以幾十蚊去買一包雞保醬而且只可以用一次, 加上味道對我嚟講係一般。我只會試一次唔會再買，因為佢嘅味道又未至於真係好似報章雜誌噉講一試上癮。相信佢哋落咗唔小錢喺廣告上。 而家市面上咁多酒樓都外賣自取有折頭, 我寧願自己去買外賣仲方便, 而且乾手淨腳又唔使煮, 慳返啲水電煤。不過若你喺單求追求麻辣而唔喺為左食雞, 你可以買包公仔面再加依包 惡魔雞煲醬。

相信大家都知道之前有美心員工在月餅工場工作期間中了 COVID-19，試問最重視安全的筆者又怎會安心呢? 加上本人鐘情於流心奶黃月餅，但香港市面上認真制作，所以基於以上兩個原因，筆者找到去台灣，一來他們的疫情穩定，二來他們有不少認真制作月餅的高手，而法布甜應該是當中的表表者。 留意番: 香港訂購需要用台灣集運去買 法布甜 – 高級流心奶黃月餅 首先貼張他們今年的中秋推廣，看到都想吃吧? 不但有流心奶黃月餅，還有健康的堅果塔! 中秋節禮盒裝 – 不用HKD150 不喜歡以上月餅的，中秋節禮盒還有下面這些種類，總有一款適合你(連結按此): 除了以上中秋限定，法布甜這間法國糕點店有三大特色商品：鳳黃酥、法式鳳梨酥、奶黃餅。 鳳黃酥：2019年全新開發的主打新產品，有別於一般市售的鳳黃酥，獨家技術調製出特製餅皮，加上精選鹹蛋黃搭配鳳梨內餡，烘烤未出爐，就被散發出的迷人香氣，吸引的口水直流，迫不及待想要吃，咬下一口，更是滿口驚喜，想嚐嚐什麼叫人間美味，法布甜鳳黃酥絕對不口錯過。常溫保存20天，蛋奶素。 法式鳳梨酥：得獎連連的法布甜鳳梨酥（台中伴手禮首獎、金口碑獎、連續5年台北伴手禮優選），全台獨家也是唯一的法式鳳梨酥，採用法式達克瓦茲的餅皮製作技術，加上日本進口杏仁粉和健康海藻糖，內餡製作特別選用和知名品牌微熱山丘同等級的17號土鳳梨搭配台農2號土鳳梨的酸度，結合上金鑽鳳梨天然的鳳梨甜度，調製出酸甜適中的鳳梨餡，將傳統的鳳梨台灣酥，變身美味的時尚甜點，中西結合的創意半送禮，更是送禮的第一選擇。 奶皇餅：採用跟半島酒店、奇華餅家、美心餅家等相同頂級的白鳳豆沙，加上台灣傳統紅土蛋黃，製作而成的奶黃流心月餅，在五星級酒店一顆要價200多塊才能購得的美味，在法布甜只要用一半的價格，就能享有，法布甜頂級奶皇月餅，更是 一些台灣企業老董的最愛，預購訂製，限時限量，錯過就要再等一年！ 法布甜官方連結: 按此

成日喺屋企煮飯食，一日三餐都喺屋企食，都唔知煮乜好啊。今日咁岩行過而家次男坊, 見佢外賣自取有6折, 見佢幅圖好吸引咁, 所以就叫左個兩個飯, 即喺圖中嘅次男坊丼同豚肉丼。兩個都係原價$70-80左右, 而家折左之後$80可以買到兩個飯，抵過我自己買餸整野食啦。 你可能會問: 有冇中伏? 等我話俾大家聽喇。好多人都話啲餐廳外賣自取分量會少咗或者攞到返屋企得嗰幾塊肉，計返條數唔係好抵。 好彩次男坊呢間嘢份量完全冇少到, 而且去用嘅外賣包裝盒同佢平時上枱畀我哋食嘅係一模一樣, 淨係個包裝盒個價錢都值回票價啦! 而且自己放棄唔要餐具仲可以減兩文，性價比超高。 而分量方面飯同埋肉嘅比例亦都係同堂食一模一樣, 完全冇減少過, 個包紫菜仲幫你分開裝，比起平時起堂食更加好, 因為平時堂食碟野嚟到紫菜都林曬, 以後分開仲隨時可以自己加同埋即刻食，所以脆好多。

話說筆者超級鍾意食牛筋腩, 尤其是牛筋, 但係每次去到啲餐廳，佢都係畀得嗰兩條牛筋我, 完全頂唔到癮。所以今次經過街市，即刻走去凍肉鋪買條牛筋返嚟自己慢慢整, 慢慢食。一於自家制牛筋腩米粉。 其實好多人都話整牛筋好麻煩, 又要炆腍佢又要煮到佢入味，但係我個人嘅做法就非常簡單就係三個字: 一鑊熟。 首先我就喺街市嘅凍肉鋪買咗啲牛筋返嚟解凍, 然後洗左佢再連同薑蔥去一齊煲熟佢10分鐘。由於我自己懶到極點, 唔鍾意睇火, 所以就用電飯煲(係一個好普通嘅電飯煲，二百零文左右)，閂埋個蓋就將去煲熟, 再慢慢炆。 當然做法有少少秘訣: 因為你將嗰條牛筋不斷狂滾嘅話就會令到佢變得林癟癟完全冇彈口，要做到有彈口就唔可以死爛滾，炆到過曬火成煲嘢就唔使要喇。 所以唔可以撳遠個掣就由得佢自己滾，首先就要等到佢差唔多滾起然後熄左佢, 等佢慢慢炆幾個字然後再開返個電飯煲，再慢慢炆多四個字, 如是者重複以上步驟, 大概炆兩個鐘就完全淋曬喇。如果你驚唔淋你自己用支叉叉入去。叉得入就係淋, 叉唔入就要繼續煲, 好簡單。 煲完之後你會發現成煲牛筋水都係好杰撻撻嘅，全部都係骨膠原但係我會倒左佢算數喇。跟住過冷河再再倒入滷水汁去慢慢浸佢, 每浸10分鐘就滾去10分鐘。如是者重複呢個步驟，一個鐘噉就令到成條牛筋上曬色好靚。 由於齋食牛筋好似有啲齋所以我又去咗超市買咗一盒整好咗嘅即食牛腩，講明香港制造, 打開之後發現分量真係好少。不過好就好在佢d肉夠腍夠入味, 都幾好食。 所以將佢哋倒埋落去我煲滷水牛筋度一齊滾十分鐘，跟住放上去米粉度就可以食得喇。 味道比出邊食更加好而且可以無限加牛筋，價錢亦都好實惠! 因牛筋只係$30已經夠我食三四餐喇。

筆者唔喺好識食洋人嘅扒, 無論食到幾貴都有筋, 成日都要食一半吐一半出黎, 反而個人鐘意食港式扒餐。今日行過翠華見到佢地$88有個雜扒餐, 又有扒又有意粉, 仲有雪崩蛋糕同飲品, 如果好似好圖咁就真喺好似好抵食咁! 不過我曾經去過唔少餐廳如 xxmomo 咁, 所謂雜扒餐只喺得一塊火腿, 一條腸, 再加半塊雞扒同少少粟米, 所以有少少陰影。 對於翠華, 個人一直食都對佢好有信心, 所以就算比佢欺騙, 都喺一次咁多, 於是就入左去叫左個雜扒餐。 首先黎嘅喺甜品- 雪崩蛋糕, 不過賣想見到都唔想食, 所以冇理佢。最期待嘅都喺雜扒餐, 等左10分鐘終於黎到, 點知黎到真喺好大碟, 同相有七分依, 食完所有扒都好飽肚, 計落都好抵玩, 去街市買3種扒再加條芝華力腸都要$30-40, 而家又有餐湯同飲品, 計落比買餸番屋企整抵好多, 最緊要唔洗自己洗。 最後當然食唔晒, 意粉同蔬菜完全冇掂過, 要比$2打包返屋企夜晚食。所以$88食1餐CP值完全爆燈, 洗咩野去鬼佬餐廳比人鋸?