9月5號，淘寶網發佈公告，話要新增微信支付功能：為咗提升消費者嘅購物體驗，淘寶計劃新增微信支付，會喺公告公示七日後逐步開放俾所有賣家。2024年9月12號開始生效，即係今日開始。
因為呢個服務嘅增加，淘寶亦都升級咗平台規則，主要變化係支付服務商相關嘅名稱、賬戶、餘額、交易額等統一改為“支付機構”、“支付賬戶”、“支付賬戶餘額”、“訂單交易額”。
要注意，想選擇微信支付，就要用戶點擊頁面上嘅“更換”，先可以進入“支付方式選擇”—“微信支付”去付款。
消費者唔需要開通微信支付，等平台商家嘅微信支付功能開通之後，消費者就會自動生效，而家仲要根據支付頁面為準。
