埋堆係咪真係好? 加唔加入 黄色經濟圈? 好多時候大家返工, 返學, 甚至係自己住嘅住宅大廈裏面，都一般分為三個派別, 一個就係正, 一個就係反, 剩番一邊就係中立。
以返工為例, 通常你老細都會同另外一個部門嘅老細唔係好啱啞, 咁你同佢哋下面嘅同事又自然會水火不容。結果成間公司形成一個好強嘅意識形態, 而這兩方派別成日都會諗盡辦法, 去爭取一啲中立, 兩邊都唔幫嘅人, 以壯大自己嘅勢力。
若果你唔肯埋堆, 你一般只有一個下場, 就喺所有吃力不討好嘅野都會落喺閣下身上。得閒會聽到d閒言閒言, 咩野中立即喺幫另一邊, 仲衰過另一邊d人。
如果你係醒目仔識得走位, 走啱得勢嗰邊, 你將會陞官发財, 步步高陞。相反，你走錯位就會仕途係咁多, 準備搵定下一份工。
這種情況亦都應用於喺餐廳上。之前成日講乜嘢黃色經濟圈, 黃絲, 藍絲, 撐警唔撐警…..等等, 其實黃色經濟圈嘅成效係一開波嘅時候真係好犀利, 好多人都會喺黃店出邊排隊, 等入座食嘢等一個鐘都唔介意, 或者買外賣, 其威力真係有目共睹。
黃色經濟圈 可以持續到幾時?
社運果時, 藍店就即刻冇曬生意, 有啲更加要執笠。但係好多時候當一邊勢力強大咗到某一個時候就會衰退，就好似太極噉。
中國人有一句說話講得好啱, 屠文者亦都好鍾意, 叫做: 花無百日紅。今次嘅肺炎事件就可以反映到這一點。由於疫情越嚟越嚴重, 政府下令新政策所有餐廳14日內, 桌面之間都需要保持一點五米距離。
呢個時候藍絲就開始做嘢喇, 每日作出投訴令到警察每日派人去黄店嗰度野。好仔細咁起餐廳度進行量度, 一度當然唔會兩分鐘完事, 要逐張枱度起碼用30分鐘至到一小時。
本身餐廳座位已經要減半, 如果喺下午茶或者其他唔係高峰嘅時間去做量度當然冇問題啦! 但係如果撞正午市或者晚市，噉你嗰一日嘅收入就會冇咗一大半, 有d更多午市晚市都有人黎招呼你。本身已經唔多收入, 而家仲要咁樣搞法, 之前賺番黎嘅都要倒貼, 黃店都未必撐得好耐。
加上香港人是善忘, 撐係唔會撐一世, 大家都係三分鐘熱度, 撐完就叫做撐咗，做咗嘢啦。
中立都是一種立場
反而一啲中立嘅餐廳冇講到自己嘅立場, 野食有d質素, 衹要絞盡腦汁, 做下外賣, 搵打穩陣, 仲叫做可以捱得住。如果唔係, 日日俾人噉樣搞都幾係嘢, 隨時要關門大吉。
堅持自己初心
所以大家有時返工, 成日因為呢啲意識形態嘅問題而令自己煩惱: 究竟要企邊一邊呢? 定係繼續中立? 兩邊都唔岩, 點解一定要簡是旦一邊? 相信大家自己都有一個答案嘞。
如果你想升得好似坐火箭噉快, 噉你咪即管擦鞋，埋堆嗰一邊, 但係唔會保證有永久, 隨時要落馬。但係如果你搵打穩陣, 勤力做足本份, 其實根本唔需要靠埋堆, 永遠做中立最好嘅。
睇完屠文使者依篇文章後, 希望大家可以有自信地大聲講: 我喺中立!
