香港新冠肺炎第三波嘅出現, 真係令到香港人發凍到發瘟，出國旅行嘅夢想全破碎, 應該唔使旨意今年可以去到旅行。加上有政治運動影響，香港人喺2020年衹能夠香港本地遊。 基於以上原因, 筆者嘗試搵下香港有冇好似外國嘅室內遊樂場可以畀任何年齡人士玩，點知俾我搵到呢間 Superpark，玩起上嚟感覺都唔錯。雖然遊戲嘅人比想像中少, 地方亦都比想像中細, 但係對於第一次去嘅人黎講，可以玩上大半日。 呢個地方有啲乜嘢玩唔作詳細介紹, 因為成日有朋友話唔近地鐵站, 投訴太偏遠。其實屠文使者覺得香港人被寵壞左, 行多少少都唔得。今次等我講解下點樣去 superpark, 等大家自己判斷佢喺唔喴好偏遠。 其實去呢個地方如果你想搭地鐵嘅話都好方便你只需要喺奧運站落車, 然後喺奧海城中銀果個出口出, 跟住扶手電梯落去，向住銀海一號方向咁行，一條直路沿住海皮, 大概十分鐘你就會見到有條天橋。然後你上去天橋再喺對面落番去，再沿商場邊行入去就見到 superpark。 落左天橋大概行五分鐘你就會去到呢個刺激又好玩嘅地方。 提提大家: 你如果第一次去係需要買一對防滑嘅襪, 價錢係$15, 大人小孩同價。而 klook 不時都有二人/三人同行折扣優惠, 有興趣可以去依度睇下 superpark 優惠門票。 地址: 香港九龍海輝道18號一號銀海地下 聯絡電話: 3611 0139 開放時間: 上午9時至晚上6時