I'm Leo Cheung
近期疫情嚴重，唔想日日留喺屋企整野食，想出街但又驚住多人會感染，最後簡左去跑馬地食 壹玖捌叁，貪佢有空間，枱與枱之間都隔好遠，而且是D類食肆，一家3口食野唔洗分開坐隔住黎食。 大門入口有個長樓梯，新年期間去裝修十分好看。而且招牌夠大，好有氣派。 入到去裏面即刻有枱，唔洗等，而且坐得好舒服，又唔嘈。 坐低後用平板點菜，但點完唔代表落左單，佢其實只喺用個平板菜單比你睇埋圖片，最終都要 壹玖捌叁 經員工人手去落單。 叫得 壹玖捌叁 咁有 HISTORY ，當然亦有傳統的 menu 比你睇。 最後點左3個點心、1個菜同埋一個甜品。 最靚應該喺個3色小籠包，不過皮有點厚! 其它點心足料夠又好味，蝦夠彈牙，正! 炒軟殼蟹都好味，炒得好有火喉，配埋d蔥好好食。 最後埋單五百幾蚊，以這個食物質素黎講算抵食!
自從武漢肺炎嘅出現，百業蕭條不少人失業很多企業傢的營業額值出現直線下跌有些企業更加需要關門大吉。但是還有一些行業的生意不減反而大增。 口罩 不難想像以前的口罩每一個兩元左右, 現在一個口罩價錢急升一倍有多，質量好的更加貴, 可以賣到50元, 就算有錢都未必可以買到。相信口罩是最直接受益的一個行業, 而且是今次肺炎的大贏家。更有不少商家靠它發了第一個人生的”死人財”。 線上遊戲 由於不少國家的政府都鼓勵家居隔離及保持社區距離, 所以有不少市民都留在家中。留在家中沒有什麼東西可做, 就唯有玩遊戲吧! 尤其是中小學的青少年。不少網上游戲的用戶大增, 而手機遊戲更是近期不少人都會下載一兩個以打發時間。而運動型的游戲亦因受女士歡迎而大賣! 串流電影 不喜歡玩遊戲的人一般都會選擇煲劇, 看電影, 電視劇, 所以帶動一系列的網上串流平臺的流覽量有所急升。而一些成人電影平臺更加收入豐厚。無論免費或者收費的平臺都一樣很受歡迎。 最近臺灣的全球平台更因太多人使用其分享盜版影視平台而被查封, 因而令台灣大部分的影視平台關閉以自保。 開會軟件 由於各個國家都實行不同程度的鎖國政策，不少做生意的商人都不能坐飛機到各個國家開會及見客。因此不少公司都選擇以不同的開會軟件進行保密的會議, 因此帶動開會會議的軟件硬需求。 雜貨糧食 相信這亦是期間不少人都為了搶糧食而奔波。各個都有個少人搶食物, 米, 意大利麵, 廁紙, 消毒藥水, 罐頭等等。超市的貨每天都被一掃而空! 網購平台 由於疫情出現, 令不少人都居於家中, 並在網上購物, 衣食住行樣樣都可以網購, 而且大部分都免運費。而女生喜愛的包包及時裝店更推出不同折扣優惠, 最賺的網店應該有它們吧。
今日睇新聞見到鄧一君投資的兩間車仔麵都要先後執笠，之前見佢個 facebook仲好多名人食完都post番張相出黎話好, 仲幾個月開2間店, 古天樂更加出埋黎幫手, 果期真係好多 noise。點解而家咁突然呢？ 屠文使者心諗而家個市係咪真係咁差呢？由於諗係冇用嘅, 實際行動先係最緊要, 所以即刻落街去睇下。 香港飲食業 咩野狀況? 出名嘅餐廳翠華而家乜嘢狀況? 早上11點左右落到樓已經人頭湧湧, 喺度排緊隊，無論外賣或者堂食都好多人喎，同平時一樣。 噉究竟係因為個市差, 定係經營不善先至要執笠呢？今次屠文者走埋出去銅鑼灣嗰度睇下鬧市狀況, 結果發現茶餐廳或者一啲平時都有好多人排隊嘅餐廳都少左人。但係反而去到一啲屋苑/屋村樓下嘅餐廳人, 不但冇少反而多咗人排隊買外賣。 旺區 VS 屋苑餐廳 先唔講係咪經營不善，單純講人流，以筆者嘅目測發現一啲旺區, 如油尖旺或者銅鑼灣等地區, 人流真係減少咗好多, 因為政府都唔鼓勵人哋聚集, 就算可以聚集都只可以四個人，所以好多人都冇乜人寧願留喺屋企。 留喺屋企嘅情況之下唔想煮嘢食嘅人, 依然唔想煮嘢食; 想出街食嘢嘅人依然想落街買野食。 在冇選擇之下, 大家就會去返自己居住嘅地區嘅餐廳, 所以個市並非真係整體地咁差, 但係以餐廳嚟講好明顯係黃金地帶一線地區嘅餐廳災情較為嚴重，而屋苑社區嘅餐廳就冇受到太大影響, 亦可以繼續維持生計，甚至外賣嘅訂單會多咗。 所以睇野要睇晒 Full Picture, 實際上只是旺區餐廳的訂單轉移左去屋苑餐廳。 永遠都係味道行先 鄧生本身在娛樂界有唔少好友,…