采悅軒位於東涌世茂喜來登酒店2樓, 酒店位置絕不討好, 而且有大量工程活動喺附近, 不過見新酒店就試下啦！ 不過入到去餐廳門口就有古怪事發生, 服務員會問你有冇訂位同埋是否住客, 我同佢講冇訂位, 但佢堅持要求你講比佢聽你姓咩野先比你入去, 佢既原因喺因為要做record。😥😥 筆者入到去餐廳好少人, 睇下點心菜單有咩野食, 一頁紙睇晒。 落單唔洗點心紙, 待應記得晒我點果5碟點心。落單時間為12:30pm, 第一個點心在12:35pm到, 其它都陸續有黎。以服務質素來說是非常有效率, 5分鐘就上枱, 不過這亦反映因疫情關係客人只有10個內有關。 不過留意番, 茶喺要$25一位, 除左鐵觀音同另一種未聽過嘅茶之外。