I'm Leo Cheung
今日天氣得果13度，怕凍的屠文使者緊喺要圍爐食番D熱野，但喺我又唔想打邊爐，因為曾經有邊爐家族的前科，前車可鑑! 所以最後決定食韓燒! 經過我詳細搜查之後 (我唔用openrice，原因好簡單，因為我中過好多打手好評的伏!)，鐘意海景的我決定食依間 濟洲燒肉食堂 – 北角分店! 依間野位於北角最新的大型商場 – 北角匯，十分之好行! 濟洲燒肉食堂位於二樓，上到上唔洗等，立即可以入座，並被自動安排入座海景位 (好多餐廳都將客人安排左D唔好既位先，留番D好位到最後)，值得一讚! 入座後員工即時幫我地上4小碟同菜、沙律等等，另外仲幫我地倒蛋漿同芝之碎等等，服務算OK。 之後小編點左一碟牛一碟豬，詳情唔講，總之牛好食過豬啦! 埋單都喺 $455, 三個人食連野飲，每個人都喺百幾蚊左右，又有海景，成個人relax晒，CP值超高!
點解W Hotel 的WOOBAR 是必食的下午茶? 好簡單: 這間別緻的酒吧室內設計光怪陸離，為城內舉辦時尚派對打造了充滿活力的背景舞台。白天，您可來此享受舒適而私密的午餐或下午茶，並有眾多健康選項供您挑選。日落時分，加入派對狂歡，享受我們別緻特色的香港 W 酒店雞尾酒以及氛圍酷爽的歡樂時光! 而家 Klook 仲有特價優惠，HKD638 / 2 位 @Woobar 地址：尖沙咀柯士甸道西1號香港 W 酒店6樓 如何前往：地鐵九龍站D1出口出站，步行2分鐘 下午茶: 星期一至五，公眾假期除外: 首輪: 14:00-16:00 次輪: 16:00-18:00 星期六、日及公眾假期: 首輪: 12:00-14:00 次輪: 14:00-16:00 尾輪: 16:00-18:00 特價優惠連結: 按此 更多酒店下午茶優惠: 按此
最近成日去銅鑼灣開工同埋跟朋友聚會, 大家都想多些支持小店, 所以決定唔去d大集團食飯, 於是喺 times square 附近簡左依間叫 八沢 嘅泰國菜黎食。 一行2人叫左2個泰式名菜, 泰式海南雞飯同泰式炒金邊粉。點知中伏晒。 首先講個泰式炒金邊粉, 完全食唔落口, d 面好似”張根” 一樣咁堅硬, 完全放唔到入口。冇野好講。 海南雞飯好少少, 但唔明點解個湯要加隻雞腳 (上圖左手邊)? 飯都免強食晒, 但佢又唔係油飯又唔係白飯, 雞算係正常, 但冇味。 埋單差唔多$200, 成碟炒金邊粉冇點食過。 最後, 點解要改個咁日本名做一間泰國餐廳名?
話說屠文使者要搬屋, 一搬屋就好多野要棄置, 尤其是雪櫃內的食品, 就連筆者剛買了2個月的黑松露都不能幸免! 為了不要浪費食物, 尤其是用$480買回家的黑松露, 我決定買個包番黎再以黑松露加工。 在 circle k 使利店中左看右看, 都不知該買什麼包來整, 最後選擇自己最愛的腸仔包, 因為味道單一些, 同埋有少少肉味, 再加上容易放黑松露上去, 所以就簡了它! 由於黑松露查到厚一厚, 食落口都好重黑松露味, 而黑松露的黑色將整條腸都遮蓋了! 雖然味道很好味, 但黑松露有油, 所以查得太多令油漏到四周!
話說屠文使者由細到大用開果d得一個制既飯煲, 從來都未試過果d什麼金蛋飯煲同IH煲, 因為個人覺得只要米係靚, 用咩野飯煲都冇所謂。 最近筆者飯煲比姐姐整壞左(今次係第三次), 於是去左豐澤果度睇下有咩野飯煲好簡。由於有牌子而得一個制既飯煲都要$400以上, 見小米隻飯煲$5xx, 又有藍牙又有IH煲膽, 再經sales 簡介一下, 又真係好抵咁, 所以就走左去買番個黎試下。 雖然唔係小米粉絲, 但確實個IH膽煲出黎既飯又幾靚, 唔會好亁或好糊, 清潔又簡單容易。 既然買得個多功能飯煲, 當然要試下整其實野, 所以試左整一煲過既番茄芝士肉碎螺絲粉, 可惜佢郁得簡set多少時間, 只有幾個時間簡, 所以一整就要40分鐘, 食落去有點發漲同有點淋。 個藍牙功能仲未試, 有機會download小米之家個app睇下可唔可以set timer先。 05/05/21更新: 最後下載了個米家app, 並且成功連接了wifi, (首次連接要用藍芽), 當然要試下用個智能家居 function! 當我行出街之後試過用app煲飯, 真係同現場用即刻飯煲個感覺一樣! 煲完仲會通知你! 以後洗落米就快番到屋企前40分鐘就可以用app煲飯。
揚州炒飯係來自揚州，瑞士雞翼係來自瑞士, 星洲炒米來自星洲！近日更聽到一個搞笑言論, 有人同我講海南雞飯喺黎自海南島! 屠文使者真喺嚇左一驚, 但喺香港人成日都有唔少突出言論, 停了一陣倒覺得冇咩野大不了。就好似後生仔傾下計裏面果d都唔喺後生仔女一樣。 其實海南雞飯可以分為兩大種： 1.泰國海南雞飯 2.星架坡及馬來西亞的海南雞飯 無論邊一種都好, 基本上都是起源於當年漂洋過海, 並落戶於南洋一帶之中國的海南人。他們在當地做苦力工作, 於是就地取材創造出海南雞飯。 中國大陸之海南島及海南省本身是沒有海南雞飯, 就算有的都祇有正宗本地海南雞（即是當地的妓女)。 下次唔知又有咩野就笑話出現呢？
好耐冇寫過食評啦！ 由於疫情關係, 好耐都冇出過食餐勁, 所以今個星期決定出去銅鑼灣 Dodam Chicken 食餐好既! 好耐冇去過銅鑼灣, 一出到就估唔到變得咁多, 周街都係吉舖, 雖然人流一樣多, 但大家都戴上口罩, 完全感覺唔到銅鑼灣以前既熱鬧開心既感覺。 今次去食既係位於利舞台既 Dodam Chicken! (地址: 銅鑼灣波斯富街99號利舞臺廣場18樓A號舖)。 一入到去餐廳個裝潢非常之有韓國氣氛, 雖然唔算得上豪華, 但係有格外嘅韓式情調，餐廳前後各有一部電視, 一直播住不同的韓國熱門人氣跳舞組合的 MV。 細看之下餐廳的餐紙都有很細心的布局, 例如在紙的下方有教大家點樣講一些簡單的韓文, 仲要中英對照。好讓大家在等待美食的時候, 同時間亦不會覺得悶, 打發一下時間。 小編一坐低就當然叫雞食。因為餐廳嘅招牌菜就是炸雞。呢度嘅炸雞同出邊嘅韓式炸雞店有乜嘢唔同? 喺未食過唔同餐廳嘅炸雞之前, 小編一直覺得都係將隻雞放喺啲油裏邊, 炸完然後攞返出嚟，間間餐廳應該唔會有乜嘢特別唔同。但係經過小編多年來食炸雞嘅經驗發現原來炸雞都係一門學問。 簡單嚟講長話短說這間 Dodam Chicken 餐廳嘅炸雞係比其他餐廳冇咁油膩! 佢炸出嚟嘅雞食完都唔會有一種好”滯”嘅感覺，而其他餐廳嘅炸雞食兩塊就已經好滯, 同埋大多數嘅炸雞店都係將嗰隻雞，不斷沾炸粉令雞嘅形狀看似好大只, 好抵食噉樣。但係實際情況，就當然唔係噉啦。 由上圖可以見到餐廳嘅炸雞睇起上嚟係比較乾身,…
Peko peko 有幾難食, 等我慢慢話你知! 話說今個週未有點凍, 所以整日活動就喺室內, 以免病倒, 又想行下日本超市, 所以就去左海之戀商場食午餐。 海之戀商場好大, 有唔少餐廳, 當中有大牌子連鎖集團餐廳, 亦都有小店, 亦有過江龍, 以香港商場黎講十分之難得。 由於之前試過幾間海之戀商場內嘅餐廳, CP值都好高, 而且各有特色, 所以今次經過邊間合眼緣就行入去。今次經過依間PEKO PEKO, 見佢裝潢都唔錯, 有啲文青風格, 雖然餐牌選擇唔多, 但個人覺得貴精不貴多, 好食就得, 所以就行走入去, 點知就喺中伏嘅開始, 喺我去過最難食嘅海之戀商場餐廳。 入到去叫左2個set lunch, 兩個set 都有餐飲, 於是點左兩個餐牌最大隻字嘅伯爵茶, 點知黎到個杯連一個茶包都冇, 而聞落去同飲落去都冇味, 即喺話佢一個茶包沖好多家茶, 慳番唔少啦！基於連最基本嘅茶包都冇, 於是我上去openrice 睇下佢嘅食評, 點知一致讚好,…
話說筆者週未入左去梅窩, 唸住喺海邊d磨菇亭食番啲有鑊氣小炒, 於是見到依間近住碼頭最開邊嘅梅窩餐廳, 所以就隨便坐底, 叫左個亁炒牛河。 其實我都知道廚房喺黑暗, 只要睇唔到就得, 唸住佢打開個廚房比人睇，即喺唔會太可怕, 點知比我見到下面既畫面。 口罩帶左等於冇帶, 都算, 仲要食住煙去炒餸, 食二手煙都算，仲要我食埋煙灰! 仲要我睇住你成個整野食過程, 咁就真喺PK左啲! 最後冇食過就走左, 估唔到疫情咁樣仲有人用咁即態度去經營! 相信有食環署人員巡查, 但應該都喺官方式做法。
叫外賣平台叫到悶，食黎食去都係大家樂、大快活、美心等餐廳到會? 聖誕又到，想多番啲聖誕氣氛? 咁你一定要試下 KAMA DELIVERY 到會服務。話說筆者早一個月(疫情爆發前)同全家人提早食聖誕+做冬，就喺訂左依間野，在網上做左唔少RESEARCH，最後決定簡依間，好彩冇簡錯。 在此唔幫佢賣廣告，我只想講，如果你訂佢地野食，記住要訂佢地最出名必食龍蝦包同埋海鮮，最緊要喺要禁入去依條LINK訂，並在落單時輸入優惠碼「GOGOX」，全單即減$50！ 另外，佢地仲會免運費，當然要消費夠指定金額啦，不過個數都好易過，只需要$688! 獲得方法 ＊單一訂單消費滿$688 ＊即可獲取全港大部份地區的免運費優惠 ＊只適用於地面交收，送上門服務仍需收取運費 ＊地面交收是指屋苑或大廈中可停泊車輛的位置 ＊只限於一般送貨時段（11:00am – 9:30pm） ＊優惠至2021年2月10日 Kama Delivery 到會訂購連結: 按此