I'm Leo Cheung
東涌映灣園好唔好住? 有好多人又話交通唔方便, 車費又貴, 人品又複雜, 空氣又差, 究竟喺真定假? 筆者話晒都住過2年多, 所以可以簡單講解一下。 映灣園好住原因 (好處): 最細房型都2房, 而且房大廳大 有大露台 多靚女空姐 呎價十分抵玩, 一萬頭有交易 部份座向有海景, 機場景 有三個會所 兩個泳池, 其中室外泳池有個超大型加勒比泳池 兩個地鐵車站預計於2029年完工, 有升值潛力 2期同3期有E11S , E11A 巴士站出中環, 番工半個鐘就到 映灣園唔好住原因 (壞處): 唔近地鐵站, 需要坐村巴出入, 車程15分鐘 1期上巴士冇位坐 1期位置較遠, 行去地鐵站要30分鐘 1期冇餐廳同超市, 生活機能唔方便 屋苑得一間大快活同韓式外賣店, 冇野好食…
相信身邊有唔少人都有一兩個朋友住觀塘，而住觀塘的朋友一般都喺住麗港城，尤其是有小朋友的人。加上而家將軍澳咁多新樓盤，價錢又貴，想住近將軍澳的人又唔夠筆直就大部分會簡麗港城。如果你未做資料搜集的話，等我講下麗港城好住同唔好住的地方。 Pros 麗港城好住原因: 間隔實用 ，有唔同尺寸單位你簡，最大去到3房都有 2期最近藍田港鐵站鄰近地鐵站，搭地鐵好方便 有2個私人會所 第3期可以好易用到會所設備，而且3期私隱度好高 管理費平以500呎黎講都係$1200左右 有好多餐廳，快餐店酒樓茶餐廳基本嘅都有齊 適合有小朋友家庭，幼稚園林立，包括名牌大學，珈南，靈糧堂 近觀塘碼頭 傳統大型藍籌屋苑，抗跌力強 入面都有兩個商場，購物買餸十分方便，超級市場、便利店、萬寧、屈臣氏一應俱全 步行10分鐘可到觀塘工業區番工，2個港鐵站可以到港島區，如鯽魚涌 鯉魚門有個大球場，方便做運動 樓下有機場巴士E22，去旅行搭車唔洗拖住個喼行一大段路 有621同219X兩架邨巴 有夜車番屋企: N796 N619 N29 有好多餐廳，快餐店酒樓茶餐廳基本嘅都有齊 Cons 麗港城唔好住原因: 鑽石廳難設計傢俬 三十年樓齡 除左2期，其它都唔近港鐵站 麗港城第1期位於最外圍，與觀塘繞道相隔很近，夜晚有人飛車，訓覺好嘈
近派有朋友剛剛生左仔，話想趁樓市下跌買樓，但手頭上現金唔多，但老婆又話想要睇到海景，簡黎簡去都唔多選擇，最後問我 藍澄灣好唔好住。對於青衣似個盤，個人覺得個名好好聽，亦都去過睇樓幾次，但係好唔好就見人見智。筆者將好處壞處都分析比佢聽，等佢自己決定。屠文使者見網上冇咩野關於藍澄灣分析性的文章，所以一拼在此提供比大家做一個快速參考。 講番少少背景，藍澄灣的用地原是美孚油庫，在政府原本既土地規劃中是商業用地，並非住宅用地，所以申請唔到隔音屏及一些屋苑既設施。 藍澄灣好唔好住? 藍澄灣好處: 管理費平，實尺$2.1，包左上網費 旺中帶靜，地方夠大，岩有車人士 小巴去葵芳極頻密，實上到車 樓下平台長期有的士等客 會所設施最靚就係佢個長型泳池 生活機能便利，商場有大家樂,屈臣氏,百佳,日本城, 7-11 藍澄灣壞處: 黑廁黑廚，空氣唔流通 個商場好似死城咁，好冇生氣，同埋有陣臭味 緊靠九號貨櫃碼頭 (距離貨櫃碼頭500米)，污染嚴重 隔離果幾間酒店好嘈，每朝6點酒店門前便會出現大批旅客和旅遊車，而且品流好雜(住客以南亞人士及中國內地人士為主) 泳池與酒店住客共用 附近餐廳冇咩野選擇，要去到美景花園先叫好少少 交通唔方便，行去青衣站要25分鐘，得兩架小巴，88m + 43m
好多時大家去睇樓, 你既經紀一般只會同你講屋苑附近有咩野, 但唔會同你分析邊座最岩你, 因為佢地只係想開單, 盡量帶你睇多d單位, 等你同佢做生意機會大一點。 沙田第一城好大, 又有咁多座, 咁邊座較為好住? 為左令大家對沙田第一城有基本了解, 筆者為大家作出一個簡單簡介同分析。 首先同大家申報一下, 筆者在沙一住左5年, 所以絕對有資格去做一下簡單介紹。 買樓/租樓最視乎你想要啲乜嘢，如果想要有城門河景嘅話，就當然係第 1, 2, 3, 4, 5, 6, 13, 14, 15, 24, 25, 26, 27, 28 座。 如果你想近第一城馬鐵站，落雨唔洗行咁多路先可以去到馬鐵站, 當然就是第45，34，27，49, 50 座。 如果想近商場及街市，買嘢夠方便的話, 首選就當然係11, 24, 25, 26，31，35，39, 44…