沙田第一城邊座最好住?

好多時大家去睇樓, 你既經紀一般只會同你講屋苑附近有咩野, 但唔會同你分析邊座最岩你, 因為佢地只係想開單, 盡量帶你睇多d單位, 等你同佢做生意機會大一點。 沙田第一城好大, 又有咁多座, 咁邊座較為好住? 為左令大家對沙田第一城有基本了解, 筆者為大家作出一個簡單簡介同分析。

首先同大家申報一下, 筆者在沙一住左5年, 所以絕對有資格去做一下簡單介紹。

買樓/租樓最視乎你想要啲乜嘢，如果想要有城門河景嘅話，就當然係第 1, 2, 3, 4, 5, 6, 13, 14, 15, 24, 25, 26, 27, 28 座。

如果你想近第一城馬鐵站，落雨唔洗行咁多路先可以去到馬鐵站, 當然就是第45，34，27，49, 50 座。

如果想近商場及街市，買嘢夠方便的話, 首選就當然係11, 24, 25, 26，31，35，39, 44 座。

如果想返工唔使咁早起身一落樓就係巴士總站，就當然係第 21, 22, 23, 41，46 座。

而空凶宅最多就係集中喺44座，真係好鬼邪同個冧巴一樣。

最後, 沙田第一城其中一個最大嘅問題係好多樓望樓嘅單位, 私隱度十分之低，而且唔夠通風, 講嘢大聲小小都俾隔離聽到，鬧仔更加唔使講啦!

如果大家唔想樓望樓, 睇樓嘅時候記住留意返你間房同埋客廳嘅景觀係啲乜喇，詳情就唔多講, 始終一批有八伙，好難一次過50幾座講曬嘅。

有興趣可以留言同屠文使者一齊研究下。