救恩學校小一面試收左$200冇通知面試日期~

剛剛發現原來救恩學校的小一面試同其它學校唔同，所以大家要留意。首先，佢地收既行政費比其它名校貴，一共$200! 第二，佢地只會問你prefer邊日面試，但唔會再有email confirmation話比你聽幾日同幾點面試，你要自行上佢地網站睇，所以有好多人都因為咁樣而失去左面試機會。第三，聽聞佢地雖然話同幼稚園冇關係，但收生方面有家長話大部份都係收番自己學校D人。

當你聽到依到，你就會講，咁即係純為左收錢而收錢，係! 如果真係為左收一些好學生，你覺得真係要收成$200一位學生咁貴? (之前都係$100) 好明顯係有名氣而賺你錢，比唔起錢唔該你行開，就算比得起錢佢地都已經有個list(仲記唔記得佢填FORM果陣時問過你父母職業?)，所以報唔報自己唸下。

另外，大家要留意一下，最近換左校長，由歐偉民校長出任，之前果位校長(林克忠)做得果2年就走，有D咩野問題大家自己唸。而學校網頁中介紹歐校長時，發現左佢地花左好多篇幅寫佢細個果陣時有幾”能”貧窮，又要打工又要做part-time，睇到依度你就明白點解要收$200手續費咁貴，根本就係當教育係做生意，作育英材就其實係美其名。