由於近期都是在家工作, 所以有很多時間在家看電視，由朝早的財經新聞可以看到佢下午的番做電視劇集。由於每日不停地看這些節目，反而俾我發現一些財經節目嘅財演或者財經分析員跟風水佬，講風水或睇相佬講嘅說話技巧有很多相似嘅地方。如果大家學得到下面技巧, 其實你都可以做講古佬或者做玄學家。
萬能Key技巧: 股市升跌都啱用
好多時財經評論員當升市嘅時候, 佢哋就會馬後炮噉講話個市會於2xxxx點至2xxxxx點之間徘徊, 短暫唔會有大升嘅情況出現。衹要站穩在幾多幾多點嘅恒指指數，噉就有望可以升穿幾多幾多點。而講得最好個人覺得就係郭思治, 當然佢個樣行出黎又係有些少台型, 所以好容易令人信服。
當股市下跌嘅時候, 佢哋就會話, 而家喺低位徘徊, 目前會喺幾多點至幾多點之間上落。當恒生指數跌到某個位的時候, 就會話依個就係技術性整固。若果外圍因素唔係太差的話, 就有望可以升返上去某個技術位，大家都不用太過悲觀。
同樣的情形方說話可以套用起玄學家身上。大家如果有留意玄學家講嘅說話, 通常十二生肖佢哋都唔會過份地批評到一無是處，最多只會講今年可能須要努力一啲, 前路有啲困難, 冇以往咁平坦，並且總會講啊今年總會有一個幸運星幫你化解問題。
當你行運嘅時候佢哋就會話你今年沒有好多機會, 但係亦須都要自己努力去把握呢啲機會, 所以要儘量去充實自己, 如果唔係就只會一頭空。
以上呢啲說話對所有人都啱用，亦都係所有人想聽到嘅說話。因爲我相信應該冇人想聽到人地講你買左依隻股票一定跌，或者你今年冇運行啦, 註定人生冇希望。
雖然這兩種職業嘅人好似大纜都扯唔埋, 但係佢哋嘅工作性質其實好相似，總會有一句令你充滿人生希望，或者係喺心裏邊嗰句說話。下次你如果睇開港股或者玄學睇相嘅節目不妨留意一下啦。
聽完我咁講, 你其實以後可以唔洗睇財經版!
