教學如何取消 hkbn 香港寛頻上網?

近排由於想轉用其他網絡供應商 ($3X/月卡巴人上網卡)，所以將家居嘅寬頻取消，但係冇諗過原來取消家居寬頻係需要有咁多步驟，相比起申請方法仲複雜，所以筆者今次想將整個取消流程放喺呢度俾大家可以作為參考。

在講述以下取消香港寬頻流程之前，首先要提醒大家有兩樣注意事項:

第一，好多人以為合約完左就可以乜嘢都唔使理但係其實佢個條款寫到明，如果你要在到期日取消中止合約你需要起終止日期前30日填寫這份取消表格。

就算你個租約到期，你都需要填寫這份取消申請表架，如果唔係香港寬頻會按照佢哋每月嘅收費嚟收取你嘅寬頻上網費。例如你份約係喺2020年12月31號到期你就需要喺2020年11月30日之前，遞交依張取消表格。

第二，取消咗呢份合約唔等於你取消咗你嘅 mytv super 電視機頂盒。你要留意返你仍然可以使用 mytv super 機頂盒但係衹能夠睇到佢哋定義為免費嘅電視節目。若果你真係好需要呢個。噉你就要諗清楚值唔值得去取消香港寬頻或者睇下有冇其他替代品可以代替。

Step1: 香港寬頻取消表格

當你想取消寬頻嘅時候你只需要發一個電郵到hkbnbroadband@hkbn.net。然後要求填寫一份取消表格就可以喇。佢哋都會覆得好快以我的經驗為例佢哋通常會起一至兩個小時內回復到你。

Step 2: 填寫表格

之後你會收到一個電郵回復你，並會包含一條連結叫你去填一張網上表格。

衹要按下連結就可以填寫報取消的網上平臺嘅表格。提提大家，你需要首先登記賬戶，然後先可以填寫呢個嘅登入賬戶號碼同密碼，因為呢個平臺同你喺香港寬頻平時嘅登入首頁嘅號碼完全係唔一樣。

Step 3: 收到取消服務確認信

填完取消表格你會即時收到一個電郵，確認你嘅家居寬頻上網服務將會取消。

Step 4: 歸還終端機

填完表格唔等於所有嘢都搞掂最重要嘅一樣嘢就係要歸還佢哋一開波俾你嘅上網儀器包括終端機，呢一個步驟一定要喺合約完結後30日內歸還返，如果唔係會收取下面所講嘅服務費。當然你都可以叫人上嚟收，但係會另外收左你$400服務費。