買左switch 都有幾個月，由於一隻game一個星期左右就打爆，如果不斷買實體game 都幾重皮，所以筆者就去 Carousell 看看二手SWITCH GAME價錢，但喺都唔太平，跟一手GAME差$50-100左右。誤打誤撞之下發現世界上原來有樣野叫副號，就好似 Disney+咁，一隻GAME可以4部共享。價錢亦都好平，所以就買左隻新GAME番黎試下，點知一試之下就跟自己expect唔同，所以喺度同大家交代下，以免大家好似我咁白白買咗副號浪費金錢。 假價錢吸引眼球 首先講一下個價錢，賣家喺 Carousell 度標價寫到明喺$5一隻GAME，點知一問之下就比另一個價錢清單你，一隻GAME$40左右，新舊同價。以$40買一隻舊GAME就一定唔抵，因為有時候任天堂會做大特價，我試過$49可以買到overcooked 2下載版。 一個login副帳唔知幾多人共享 雖然任天堂講到明1個GAME可以比4部機用，但喺賣家可以將帳號賣比多過4個買家，以賺取更多收入。以我買番黎既新game黎講，我login左之後完全入唔到game玩，浪費時間。雖然買果時佢都會提晒我會卡機出現，但只喺當人地download緊先會咁，入左個game就冇問題，但實際是由朝到晚都入唔到個game玩，白白浪費我啲時間。 總結黎講，個人唔建議買副帳，新GAME或HIT GAME佢又用唔到，舊GAME又可以喺官網平買，點解要買佢?