日出康城好唔好住? 邊期最好住?

最近睇新聞話日出康城商場開幕後,多左好多區外客入去睇樓同食野行街,講真個人覺得香港商場其實來來去去都是果幾間店舖,如G2000、萬寧、marketplace,美心集團等等,根本冇咩野新意。但香港人出左名怪怪地,會單純為左一樣野而作出好大改變,更有人因為果邊開左個商場仔就打算搬過去。有見為此,筆者建議大家睇埋落去下面日出康城好處同壞處,再唸下搬唔搬好。 日出康城好處: 屋苑有基本配套,如gym room, 泳池, k房, 保齡球房, 公園等等 租同買價錢都低水 而家有埋商場,食野唔洗再搭車出去區外 如果可以唔出街的話,唔洗趕住番工,上網買日用品同食物,其實都幾好住 康城少外人入黎,所以靜D,好住D。 日出康城壞處: 外在配套不太夠,冇太多交通工具出入,一係等12分鐘地鐵,一係自己揸車經環保大道入 有人話住果邊會皮膚敏感 番工放工時間地鐵好多地盤佬,而且好大陣煙味 堆填區/填海,有機會有沉降問題 長實 + 中國建築,質素比較差 將軍澳呢區本身都好潮濕, 日出康城都唔例外 日出康城邊期最好 好啦,你可能會問: 日出康城邊期最好? 等我簡單講下各期特色啦! 日出康城 第7期 MONTARA最近商場「The LOHAS康城」,位置上被其他期數包圍,所以內園景為主。 日出康城 第2期 領都則以房大以及完善會所為賣點,會所面積達30萬呎。至於日出康城 6期 LP6則有永久海景,但同時間離港鐵站較遠,步行約需15分鐘,交通不便。