埋堆真係好? 中立有何問題? 黃色經濟圈 有版你睇!

埋堆係咪真係好? 加唔加入 黄色經濟圈? 好多時候大家返工, 返學, 甚至係自己住嘅住宅大廈裏面,都一般分為三個派別, 一個就係正, 一個就係反, 剩番一邊就係中立。 以返工為例, 通常你老細都會同另外一個部門嘅老細唔係好啱啞, 咁你同佢哋下面嘅同事又自然會水火不容。結果成間公司形成一個好強嘅意識形態, 而這兩方派別成日都會諗盡辦法, 去爭取一啲中立, 兩邊都唔幫嘅人, 以壯大自己嘅勢力。 若果你唔肯埋堆, 你一般只有一個下場, 就喺所有吃力不討好嘅野都會落喺閣下身上。得閒會聽到d閒言閒言, 咩野中立即喺幫另一邊, 仲衰過另一邊d人。 如果你係醒目仔識得走位, 走啱得勢嗰邊, 你將會陞官发財, 步步高陞。相反,你走錯位就會仕途係咁多, 準備搵定下一份工。 這種情況亦都應用於喺餐廳上。之前成日講乜嘢黃色經濟圈, 黃絲, 藍絲, 撐警唔撐警…..等等, 其實黃色經濟圈嘅成效係一開波嘅時候真係好犀利, 好多人都會喺黃店出邊排隊, 等入座食嘢等一個鐘都唔介意, 或者買外賣, 其威力真係有目共睹。 黃色經濟圈 可以持續到幾時? 社運果時, 藍店就即刻冇曬生意, 有啲更加要執笠。但係好多時候當一邊勢力強大咗到某一個時候就會衰退,就好似太極噉。…

香港地產代理1%佣金點樣定出黎? 回佣是否犯法?

近來樓市有下調的勢頭, 屠文使者見多了人去看樓盤, 準備入平貨。買樓當然想省錢, 尤其是個經紀佣金1%都唔少錢, 貴過律師費, 最好就有回佣啦。隨著於2015年12月14日正式生效的 《競爭條例》 ,意味地產代理行規中的1%佣金已經成為過去,每間地產代理公司可以按自己跟客入的協定而收取佣金。究竟地產代理應該怎樣計算佣金呢? 我可以 回佣 ? 回佣是否犯法? 我可以支付超過1%或少於1%?甚至$1都唔洗比? 在出現《競爭條例》之前,地產代理公司收取的買賣佣金是樓價的1%,即是會收到業主及買家合共2%的佣金。 但現在根據新執業通告的指引,地產代理公司不得就佣金、折扣或回贈作出協議,他們應就業務作出獨立的商業決定,不得參與有可能會達成或討論反競爭協議的會議,以及避免向競爭對手探求、討論或分享影響競爭的敏感資料等。 簡單黎講,以前有些代理依據業界商會提供的佣金率而收費,譬如買賣雙方需各付1%、租客及放租者各付半個月租金作為代理佣金等都已成過去。 一手新盤的佣金回贈 (又稱「回佣」,下稱回贈) 是否犯法? 新盤開售時, 發展商會向成功介紹客戶購買物業的地產代理發放佣金。 部份地產代理為促成生意, 會向準業主提供回贈以作促銷 (令樓價變相減少), 吸引買家盡快完成交易。 回佣的定義是什麼? 回贈(回佣)是指地產代理將從發展商收到的部份佣金, 回贈給準業主。你會問:主動向地產代理要求提供佣金回贈,是否犯法? 答案當然不會。 回佣是否犯法 一向以來行內均有出現,只要在發展商及其所屬代理行得到批准下作回佣,亦非犯法。例子就像你去街市買野,檔職員為熟客打折扣。除非發展商在委託代理時會聲明,開單代理不能把佣金轉贈予買家,否則會違反代理行與發展商之間的合約條款。 在樓市好的時候,有些地產代理經常以 回贈(回佣)屬於違法行為, 拒絕與買家討論回贈問題, 藉故向買家拒絕提供回贈並多賺幾個%佣金。 如果準買家有意要求代理提供回贈, 建議在appointment前問清楚或另覓肯回佣的代理。 什麼是「回佣紙」? 「回佣紙」又名「佣金回贈確認書」,是地產代理以書面方式向準買家確認回贈的詳情。由於口講無憑,以書面方式確認回贈的金額總比口頭方式好。不過,要留意的是,很多報章都曾經報導過,即使買家與代理簽好「回贈確認書」(回佣紙)後,仍然會就回贈問題發生爭執,原因如下: 「回贈確認書」未得公司批准,不成立。…

疫情下, 香港飲食業真的這麼差?

今日睇新聞見到鄧一君投資的兩間車仔麵都要先後執笠,之前見佢個 facebook仲好多名人食完都post番張相出黎話好, 仲幾個月開2間店, 古天樂更加出埋黎幫手, 果期真係好多 noise。點解而家咁突然呢? 屠文使者心諗而家個市係咪真係咁差呢?由於諗係冇用嘅, 實際行動先係最緊要, 所以即刻落街去睇下。 香港飲食業 咩野狀況? 出名嘅餐廳翠華而家乜嘢狀況? 早上11點左右落到樓已經人頭湧湧, 喺度排緊隊,無論外賣或者堂食都好多人喎,同平時一樣。 噉究竟係因為個市差, 定係經營不善先至要執笠呢?今次屠文者走埋出去銅鑼灣嗰度睇下鬧市狀況, 結果發現茶餐廳或者一啲平時都有好多人排隊嘅餐廳都少左人。但係反而去到一啲屋苑/屋村樓下嘅餐廳人, 不但冇少反而多咗人排隊買外賣。 旺區 VS 屋苑餐廳 先唔講係咪經營不善,單純講人流,以筆者嘅目測發現一啲旺區, 如油尖旺或者銅鑼灣等地區, 人流真係減少咗好多, 因為政府都唔鼓勵人哋聚集, 就算可以聚集都只可以四個人,所以好多人都冇乜人寧願留喺屋企。 留喺屋企嘅情況之下唔想煮嘢食嘅人, 依然唔想煮嘢食; 想出街食嘢嘅人依然想落街買野食。 在冇選擇之下, 大家就會去返自己居住嘅地區嘅餐廳, 所以個市並非真係整體地咁差, 但係以餐廳嚟講好明顯係黃金地帶一線地區嘅餐廳災情較為嚴重,而屋苑社區嘅餐廳就冇受到太大影響, 亦可以繼續維持生計,甚至外賣嘅訂單會多咗。 所以睇野要睇晒 Full Picture, 實際上只是旺區餐廳的訂單轉移左去屋苑餐廳。 永遠都係味道行先 鄧生本身在娛樂界有唔少好友,…

點解創業/財經節目成日有李根興? 究竟李根興是誰?

屠文使者由於很喜歡研究人怎樣創業, 無論成功或者失敗都好有興趣研究,所以經常看 TVB 的財經節目。近幾年在香港翡翠台的財經節目常常看到有位主持叫李根興,專評論一些關於創業以及鋪租或投資方案, 並作出不同的建議。 由於他長得比較高大, 而且說話十分之流利, 有時聽到本人都跟不上他的思路, 所以有一定的印象。 於今年(2020年)屠文者更加對這位專業投資者有更深印象,因為經濟差了很多, 很多店舖都被迫倒閉, 同時亦有人大膽創業, 他自然多了很多評論的機會。無論各種行業, 各種鋪位, 他都有很多獨到的見解。個人更認為他是一個很出色的創業或商鋪租賣評論員。 李根興是誰? 但是奇怪的是為什麼TVB財經節目或者東張西望都是由他來評論的, 好像例牌地給他評論。而且每次他講的評論都過分有道理,不用去思考就講得出到, 很有地產經紀 sales 的感覺。所以每次看他的節目我有一種被 “氹” 去創業或做生意或買鋪的衝動。 由於這個原因所以屠文使者查一查了他的身份及背景。一查之下就非同小可, 發現原來她就是康業信貸太子爺。太子爺並不是一個問題, 都不是令我驚訝嘅原因, 而他家族生意跟他本身的職業令我想通了一點 – 一條龍式植入式廣告。 由於家族生意是借貸,當他講的節目是創業或租舖的時候, 所涉及的一定會包括: 借錢, 做生意, 周轉, 買/租舖。他作為一個生意中介人, 亦是二十幾個舖位業主, 絕對可以在這方面有優勢, 令一眾想創業或做生意的人都找他。 當有人經過它轉介生意, 無論成功與失敗,…

0005 匯豐唔派息策略: 溝貨定係放咗佢?

相信大家呢幾日買左滙豐控股嘅股東都好唔開心, 因為滙豐控股宣佈連2019年除淨左嘅息都唔派, 2020年亦都唔會有得派息,攪到所有小股東或者大股東都好唔開心,尤其是靠佢黎退休嘅人士。更加有人話要發律師信去告滙豐控股。 買咗滙豐控股嘅朋友究竟應唔應該繼續長揸落去? 定係直接放左去算呢? 長痛不如短痛? 輸少當贏? 滙豐控股唔派息都係好事? 屠文使者一向都逆向思考, 同大眾諗嘅嘢都唔同。純粹喺呢度發表一下個人見解喇。 首先我哋要睇返匯控5號仔唔派息嘅原因。今次英國嗰邊講到明話因為受到疫情影響, 銀行業務嘅業績及收入大減,所以比左個指引大家去跟, 匯控取納意見宣布唔派息。 個人覺得呢個做法係好合理嘅, 因為如果你係業績大減, 仲要繼續派息,即係話係一個冇錢嘅人身上繼續攞錢, 噉其實唔止會令到佢股價繼續向下插,到時候畀你賺左息, 但係蝕咗股價都係一樣。 噉大家覺得係咪仲應該長揸? 定系要溝貨好呢? 還是放手唔再繼續持有? 長渣0005: 溝貨等驚喜! 如果你屬於長線投資者, 並覺得5號仔過埋今年會繼續派息嘅話, 其實不妨可以溝貨並且長渣。話唔定下一年派息會有驚喜, 派返今年冇派既利息。 放0005, 轉倉入 0002 或 2800 但係如果你覺得今年其實都好難捱, 而你又要靠呢一筆錢去養老或者用黎支付你日常開支的話,我就建議你不如放手啦。等佢回升到$40以上就放手啦。因為預計五, 六月經濟會再差啲, 到時想走就走唔到喇。 當然走咗之後梗係要買返啲嘢收息啦, 唔係點賺錢? 所以我建議大家去買中華電力 (0002),…

食評: 俺流塩らーめんOreryu Shio Ramen 拉麵

自從發現 Openrice 開飯喇這個網站的食評很多餐廳很得到了一致性好評,就連好難食的餐廳都可以有很多好評,屠文者再沒有依賴這個這個網站去找好味道的食物。 反而自己在這個網站寫開始食評以及在網上找一些非商業用途的網站以作參考,中伏的機會大大降低。 話說回來, 屠文使者很久都沒有吃過拉麵,今次經過一個商場發現這間在東京很出名的 俺流塩らーめんOreryu Shio Ramen,又見內裏人多應該中伏機會較低, 所以就膽粗粗地入去試吃一番。 本人一直覺得香港的拉麵價錢十分之貴, 比起其他粉麵貴足足一倍,一個拉麵平均來說都需要100元, 不包飲品, 而且叉燒亦祇有一塊, 所以對拉麵的要求十分之高。 吃過拉麵的人都知道,拉麵的靈魂就在於他的湯底。若果一個人吃完整碗拉麵之後再可以把湯底整碗飲下, 相信這一碗拉麵一定在於平均水準以上。 而拉麵的湯底最重要的就是不能過於”滯” (油膩),當拉麵的湯底過油或者太滯的時候, 就會令人的肚即時發漲,不能將整碗拉麵湯底飲下來。 屠文使者在吃拉麵的時候, 一般都會先試飲一口湯底然後再吃拉麵。今次點了一個黑蒜湯拉麵,以及一個芝士辛辣的拉麵。 第一口的黑蒜湯底一試之下還過得去, 有蒜味但並非是黑蒜, 是普通的炸蒜味。因為如果是黑蒜的話, 就會有一種蒜味之中帶甜的感覺 (發酵過的味道), 但是這一種的湯底完全是”死蒜”,即是一味地把蒜頭片放入湯中煮,個人覺得並非是真材實料的黑蒜去做的。 而辣味拉麵的湯底完全沒有辣的感覺,對於充滿期待的我徹底地對這兩碗拉麵失望。 在失望之下品嚐他們的拉麵, 麵底反而令我覺得有水準,入口彈牙, 而且軟硬度恰到好處,淥拉麵的時間掌握得恰到好處, 基本功是很好的, 可惜敗筆在於那碗湯底。 叉燒比一般拉麵店的好,祇有一塊,我並不怪他但是考在口中並沒有那種入口鬆軟的感覺實在是另一種敗筆。 而這間餐廳都有四種調味醬料分別為柚子胡椒,梅子醬,辣椒醬等等,但是跟他的湯底還是很不配, 所以就算醬料如何出色都還救不到這碗拉麵的整體分數。

Back to top