Ezviz DP1C 智能電子防盜眼 好唔好用?

真係一肚氣。新屋裝修唸住裝個智能電子防盜眼,在網上進行大量RESEARCH後,見依個 Ezviz DP1C 在 HKTVMALL 及 Play store 有不少好評,所以先去買,點知…….

買家冇保障 – 香港冇保用,冇OFFICE

買番黎用左7日連機都開唔到,盒上又話香港有1年保用,點知佢地在香港冇office,換貨又換唔到,退錢又退唔到,中晒伏!

二手再番新賣出

再仔細看,原來在網上的大部份的評價都是假的, 本人認為有機會是用錢買番黎!

再且,買番黎之後部機個機身有幾條花痕,本人懷疑是二手的,不過見有包裝就唔太在意。點知用左7日部機開都開唔到,大嗱嗱成$800咁就玩完!

Ezviz DP1C 智能電子防盜眼 – 機身有花痕

客服係大陸人回覆,香港+852電話只是一個轉接器

跟住打電話同EMAIL找他們的客務問佢地點做好,比晒機身號碼佢地,佢地只係叫你充夠電同埋將部機方係個WIFI 一米內,講完又講! 大佬,部WIFI 係隔離10CM我都開唔到呀! 同埋根本未去到接收問題,我係連開機都開唔到,舊電根本係有問題!

Ezviz DP1C 智能電子防盜眼 – 用到第7日已經開唔到,電已充了一晚…..

最後我EMAIL叫客服換過部機或退貨,完全冇回音。

為免有更多人受害,屠文使者唯有在此公開這間公司的惡行!

Play store 有不少 “假” 好評

大家可以見到,依個 app 在 Play store 有不少好評 ,但好可疑! 疑點1: 5星評分的全部的留言都是一兩個字,同埋用戶個名好奇怪,唔依正常人名,連google都 search 唔到! 另外,Play store 有不少好評都是在同一日 (6/12)出現,是巧合嗎? 反而負評的就有詳細講述問題所在,大家眼睛是雪亮的,相信心中有數!

疑點1: 5星評分的全部的留言都是一兩個字,同埋用戶個名好奇怪,唔依正常人名
Play store 有不少好評,仲要在同一日 (6/12)出現

屠文使者

Leave a Reply

Your email address will not be published.

Back to top