$37/月 免簽約無限上網 (數據卡 + wifi 蛋) 教學

話說筆者唔鍾意簽死約, 因為一簽就要24個月嘅上網合約十分之困身, 租樓既我到搬屋嘅時候又成日要加錢去轉家居搬遷。再加上公屋地址同埋私人樓宇同一個上網嘅速度, 但係收取嘅價錢又唔公平, 有成一倍價錢嘅差異。如果有一張 無限上網數據卡 可以分享到數據, 你話多好呢?

所以今年筆者就直接取消咗香港寬頻合約, 然後就用wifi蛋再加無限數據上網卡,去搭建一個新嘅無限上網計畫,而且仲要係可以分享數據嗰隻。依個組合喺價錢上唔單止同 hkbn plan 有好大嘅分別, 而且你亦都可以隨時搬屋, 仲可以攞埋出街任用,隨時隨地分享數據上網。

無限上網數據卡 + wifi 蛋

首先要講返呢一個組合所需要嘅硬件,其實好簡單, 只需要一張 Kabayan 上網咭再加一個 wifi 蛋就得喇。以我自己為例, 唔想煩就會自己上去 carousell 嗰度去買呢兩樣嘢 (search 大耳牛就得) 。一間店有齊曬兩樣嘢,寄到去屋企, 唔怕買錯, 十分之方便。

Kabayan 無限上網 4G 數據卡

我哋先講個 Kabayan 數據卡,每月首 15GB 行 3.6Mbps , 之後行 2Mbps。由於本人嘅上網速度本身係200MB plan,要求唔多,主要都係睇下片, 上下網, 用下 whatsapp,所以就算轉做2Mbps 其實對我整體嘅速度嚟講都唔係好大分別,甚至有過之而無不及。

不過如果你係嗰啲追求速度或者成日要下載嘢嘅人, 呢張 kabayan 數據卡就未必啱你喇。但係以價錢嚟講$37 /月 絕對超值。

你可能會問個卡面封套本身寫住$88一個月,點樣可以做到$37呢?呢張卡最特別嘅地方就係買一送一, 買大送大,Kabayan 數據卡面值為 $60 ,但幫你開通咗之後就送多$60,你衹要再買多張增值券$50,噉樣你又可以再多左$50面值。噉樣玩就可以 $220 / 3 個月無限上網,而且仲可以分享數據,平均 $37 一個月。

數據卡成本︰ $60 (Kabayan 卡) + $50 (增值券) = $110
儲值總額︰ 數據咭面值$60 + $60 (獎賞) + 增值劵$50 + $50 (獎賞) = $220

每個月嘅平均費用︰ $110/3 = $36.7

wifi蛋好抵玩

至於個wifi蛋牌子係華為, 都係三百蚊左右, 絕對係值得投資。無論你第時去旅行,或者出街都可以用得著,而用法十分之簡單,基本上插張卡入去就用得著。

Wifi蛋擺喺屋企又唔使用路由器, 又唔需要有數據機, 淨係一個wifi蛋就搞掂。而且你仲可以下載佢哋嘅 apps 你就可以睇得到你用左幾多數據。

樓上張圖可見, 5部機同時上網都好流暢。

噉你亦都可能會問甘三個月之後噉點呀? 你衹要重複以上嘅所有步驟 (除咗買wifi蛋),噉你就可以每個月用$37就上網。

屠文使者

One thought on “$37/月 免簽約無限上網 (數據卡 + wifi 蛋) 教學

Leave a Reply

Your email address will not be published.

Back to top