10/4/2021更新: 由於最近港府推行了幾項樓市新政策，包括提升按揭成數、自由工作者按揭門檻、還息不還款等等，屠文使者認為香港樓市下跌將會推後到2021年尾至2022年初，而規模將會是比之前推算的更大，基本原因不變(如下面所解釋一樣)。
當大家以為疫苗出現之後, 加上美國股市大幅反彈, 香港樓市理應繼續大升。但喺屠文使者以現時香港政經狀況黎睇, 認為香港樓市將會在2021年開始大跌。
當然, 以上一句說話一定要有實際理據支持才能成立, 否則齋吹喺冇用! 廢話少講, 筆者理據為:
- 移民潮再現: 根據相關調查及數據顯示, 香港自2020年有不少人計劃移民及正在安排移民, 更有估計將有100萬港人移民到英國, 還未計移民到台灣的香港人。當中有人會賣樓, 有人租出單位收租。其實移民潮的實際影响香港樓市不大, 但其背後意思會更加大。咁樣講嘅原因喺因為移民得嘅一群人主要是年輕及中年人, 他們本身是香港樓市的主要用家, 但而家這個年齡層的人都趨向移民或移居到香港以外的地方, 所以投資者或新買家未必會搶高價錢入市, 反而會靜候時機低位買樓。
- 失業問題持續: 疫情其間有不少公司執笠同裁員, 表表者當然喺 Cathy Pacific, 攞左政府資助又玩裁員遊戲, 令不少企業跟風之前筆者都有預言及分析過, 可以參考番依篇文章)。根據現時第4波疫情, 政府冇再唔準僱主炒人, , 筆者解讀為香港企業有機會可以進一步裁員以保障企業繼續生存, 避免申請破產, 所以香港經濟並非如大家所睇到好似股票市場咁好, 所以筆者預計2021年有不少人會失業。
- 傳統工種消失: 若果以上第2點成立, 相信被裁員工應該是從事傳統行業或受疫情影響的行業, 如零售, 餐飲, 航空旅遊等。這個行業的僱員將會因疫情而大減, 就算疫情過後都唔會再請人, 因為他們已經被網上平台或人工智能取代 (最明顯例子就喺唔會再有人落黎買奶粉或水貨, 反而是直接從澳洲入貨轉運到內地)。但是同時間香港的創新科技亦未得到政府鼓勵而未能創造新行業, 君不見 uber, airbnb, bitcoin 在香港都不是很流行, 甚至是犯法嗎？當全港職位減少的時候, 有樓人士又長期找不到以前的工作, 那只好賣樓以支付日常生活開支, 樓市自然會向下。
- 你可能會話香港人移民仲有不少內地人會轉移資金到香港買樓, 只要有1%內地人買香港樓的話, 香港樓市一定好到不得了, 怎會跌市? 這個反駁可以在反送中事件之前成立, 但喺自從出現政治危機後, 香港將會加快成為內地城市之一並與之融合, 而不少人亦害怕資金管制而將資金轉移到歐美等地, 既然香港再不是一個穩定安全的地方以轉移資金, 哪還會選擇到香港買樓嗎？
- WFH 趨勢將會增加各國員工流動性, 例如有不少秔技公司宣布員工可以終身wfh, 咁嘅情況我做公司老闆, 可以喺香港請一個印度人幫我做野, 而價錢只喺本地員工的1/4。當這個潮流出現,將會有更多中年香港人失業。不要忘記, 現時馬來西亞人的兩文三語比香港人有過之而無不及, 但人工只是香港1/3。當然筆者覺得這個是長遠影響, 並不會一下子就出現大量失業潮。最近例子包括HSBC容許50%員工在家工作。
- 恒大事件+中央發聲要求香港加快私樓供應，發展商都好驚香港樓市會變成中國內地咁限價，到時發展左既樓都要平賣，雖然其後大家都話收唔到中央要求，但心底裡都知道今時唔同往日，大家都要加快起樓賣樓，並且要做些事特出自已”做左野”，所以收購舊樓的動作將會加快 (邊一區的舊樓將會成為收購目標可參考這篇文章)。供應多左，樓價自然會下跌。
One thought on “2021年將會是香港樓市最後逃生門”