香港有沒有可能做到連續28日 0確診?香港經濟會差成點?

近期確診講有下降嘅跡象, 但係每日都有新嘅個案, 噉究竟香港幾時可以有連續二十八日 0確診 嘅個案呢? 呢個問題相信好多香港人都想知亦都有好多香港人覺得沒有可能,噉等我就來探討一下究竟點樣先可以實現到依個夢?

首先我哋要探討一下究竟確診個案喺邊度嚟, 以最近嘅新確診個案嚟睇, 大部分確診個案都是離自英美歐等地,反而由內地或者香港地區的本地個案都基本上係零。噉即係話而家將個範圍縮窄到衹要歐美英等國嚟香港嘅人, 衹要係沒有在中途或者之前有感染,噉就唔可以有28日連續0確診。

聰明嘅你好自然就會諗到: 如果將來往英美歐等地嘅飛機停咗或者禁止來自於呢啲地方嘅人入境人噉咪可以做到0確診。當然香港政府絕對唔會做呢啲措施, 因為香港係一個國際都會,之前冇封內地嘅關, 而家點可以封呢啲地方嘅關呢?噉樣即係話要等到英美歐等地嘅疫情有所好轉先至可以有機會做到連續二十八日0確診啊。

噉問題就嚟喇: 究竟歐美英等地究竟要等幾耐先至可以有好轉嘅跡象?根據西方國家唔戴口罩嘅習慣,以及中國疫情嘅經驗,相信要等到呢一日要等多3-4個月或以上不等。

噉喺呢3-4個月之內除咗大家唔可以聚會以及飲酒之外,最大影響係乜嘢? 會有啲乜嘢結果?好簡單: 即係話各行各業都要忍受多最少3-4個月嘅停業/休業嘅情況, 能得能夠守得住嘅當然係好啦, 之後應該可以翻身。

但係守唔住業嘅就要執笠, 就連大企業都冇得豁免。失業率自然亦都會因此而上升,學又冇得番, 單親家庭又因為要照顧在家小朋友唔可以番工, 罪案亦都會有所急升,股票又再一次大跌,並且負油價能否得到解決? 樓價時候會唔會唔跌真係好難講? 等錢使有機會, 又或者當一個業主開始大幅減價,其他就會跟住減, 起碼賣左層樓賺咗錢之後情況好轉再買返囉, 好過見到層樓一直跌到去買入價。

咁依個28日會唔會唔講好過講? 講左冇得收番, 如果最初政府內部一至同意咪得, 唔洗劃公仔劃晒出腸啦!政府既然要穩定經濟, 保持國際地位, 又要維持0確診, 要平衡咁多樣野真喺唔容易, 所以公關技巧一定唔少得! 但係我地香港最缺乏就係公關技巧! 原因可以看此文章。個人覺得最後要做到28日零確診既最大機會就係玩數字游戲……

屠文使者

Leave a Reply

Your email address will not be published. Required fields are marked *

Back to top