[開箱文] 羅霉樂 實測香港腳效果

話說近幾個星期天氣時亁時濕, 攪到本身冇香港腳嘅我都中左招, 隻腳又臭又痕, 仲要脫皮及腳趾間隙之間嘅肉有少許爛掉, 所以決心解決依個持續左一個星期嘅問題。

於是去左萬寧睇下有咩野選擇, 見到一隻牌子話7日療程, 另一支就喺法國制造嘅羅霉樂, 價錢都差唔多。由於我唔太信果啲標榜速效嘅藥膏, 所以買左支羅霉樂番屋企試下。

根據使用方法, 只需要清潔左隻腳之後, 每晚在患處上使用一次就可以。

羅霉樂第一日用後效果

筆者根據盒嘅指示, 在晚上洗澡後就塗藥膏, 跟住訓一覺。由於脫皮情況到處都是, 所以大包圍成隻腳塗晒。第二日朝早起身著拖鞋後, 成隻腳掌不斷出汗及發熱, 好似將身體嘅水分排走。而個人感覺好似輕左咁, 而且即時冇左隻臭味。比著以前喺出少量汗水已經有大量臭味。

第二至第三日羅霉樂使用效果

照第一晚嘅使用方法, 脫皮情況有好轉。

第4日之後

由於見到情況好轉, 所以第4天停用羅霉樂, 反而轉用 Vaseline 護膚液, 保護住啲皮膚。

第9日

第9日情況突然出現左180度轉變, 隻腳板雖然冇臭味, 但喺又開始脫皮及腳趾間隙之間又開始爛掉, 而且好痕, 個人相信是跟天氣急轉有關。所以最後又要再用番羅霉樂, 並在訓晒覺之後, 早午晚各查3次 Vaseline, 等皮膚冇咁亁。

第10-11日

情況有所好轉, 每次沖完涼之後將d死皮整走埋先查藥膏, 希望啲細菌唔會留係死皮度。

第12日

早上起身發現情況轉差, 隻腳生左好多細細粒既水泡, 而且皮膚亁得好緊要, 仲有啲紅及痕。好衰唔衰仲隻腳指公比蚊針, 又要塗其它藥膏喴依隻腳指度, 不過只有早上用, 費是在晚上與羅霉樂溝埋一齊。

第13日及之後

既然都冇用, 所以停用羅霉樂+使用荳蔻膏, 估唔到一個係馬來西亞買番黎既荳蔻膏仲好用過羅霉樂, 過2-3日已經有好轉。

屠文使者

Leave a Reply

Your email address will not be published. Required fields are marked *

Back to top