菜鳥裹裹好唔好? 物流人員亂收費?

話說近派喺淘寶買左個健身用品, 見3.5kg 只需要RMB35送到上門, 所以二話不說就用官方中轉物流公司菜鳥裹裹, 點知惡夢就開始啦。(我從未用過菜鳥裹裹, 所以唔知好唔好)

首先, 我唔預個件貨會好準時2-3日就到, 但喺等 到中轉去到物流中心14:32pm, 佢個紀錄竟然話23:00左右聯絡過我話送貨, 但根本冇咁既事, 我從來都冇收過電話, 同埋咁夜仲點會有人送貨呀?大佬, 講大話都用過其它原因。

好啦, 跟手問客務佢話只有2次免費送貨, 如果2次都冇人應門就要收錢! 大佬, 咁即喺話我冇用過佢都當一次, 咁下次又喺咁佢咪可以大條道理收我錢!?

等多2日, 個件終於黎, 但一打開門佢個送件員話要收$20? 今次同佢理論, 佢竟然話喺急件所以要收$20! 大佬, 我由中轉站到香港再送黎屋企都等左差唔多5日, 仲點急? 同埋我都冇要求過要急件, 不過條友唔肯走所以比$20佢打發左佢先。跟手同淘寶網物流果邊要求退款, 而家等緊通知, 有消息再update。

第2日 check 番淘寶網個物流紀錄, 發現佢竟然同同一手法話夜晚11點幾聯繫唔到我而制造兩次不成功送貨! 而家我明白佢點解要咁做, 因為佢想將收費$20合理化, 所以我有理由相信做送貨同在office 更新紀錄果班人喺知情!

今次既經驗話比我聽用菜鳥裹裹仲貴過順丰物流, 所以以後都係唔好貪平!

菜鳥裹裹好唔好? 相信你自己心裡有數!

屠文使者

Leave a Reply

Your email address will not be published.

Back to top