疫情下, 香港飲食業真的這麼差?

今日睇新聞見到鄧一君投資的兩間車仔麵都要先後執笠,之前見佢個 facebook仲好多名人食完都post番張相出黎話好, 仲幾個月開2間店, 古天樂更加出埋黎幫手, 果期真係好多 noise。點解而家咁突然呢?

屠文使者心諗而家個市係咪真係咁差呢?由於諗係冇用嘅, 實際行動先係最緊要, 所以即刻落街去睇下。

香港飲食業 咩野狀況?

出名嘅餐廳翠華而家乜嘢狀況? 早上11點左右落到樓已經人頭湧湧, 喺度排緊隊,無論外賣或者堂食都好多人喎,同平時一樣。

噉究竟係因為個市差, 定係經營不善先至要執笠呢?今次屠文者走埋出去銅鑼灣嗰度睇下鬧市狀況, 結果發現茶餐廳或者一啲平時都有好多人排隊嘅餐廳都少左人。但係反而去到一啲屋苑/屋村樓下嘅餐廳人, 不但冇少反而多咗人排隊買外賣。

旺區 VS 屋苑餐廳

先唔講係咪經營不善,單純講人流,以筆者嘅目測發現一啲旺區, 如油尖旺或者銅鑼灣等地區, 人流真係減少咗好多, 因為政府都唔鼓勵人哋聚集, 就算可以聚集都只可以四個人,所以好多人都冇乜人寧願留喺屋企。

留喺屋企嘅情況之下唔想煮嘢食嘅人, 依然唔想煮嘢食; 想出街食嘢嘅人依然想落街買野食。

在冇選擇之下, 大家就會去返自己居住嘅地區嘅餐廳, 所以個市並非真係整體地咁差, 但係以餐廳嚟講好明顯係黃金地帶一線地區嘅餐廳災情較為嚴重,而屋苑社區嘅餐廳就冇受到太大影響, 亦可以繼續維持生計,甚至外賣嘅訂單會多咗。

所以睇野要睇晒 Full Picture, 實際上只是旺區餐廳的訂單轉移左去屋苑餐廳。

永遠都係味道行先

鄧生本身在娛樂界有唔少好友, 當中當然要數古天樂, 上年一張同古天樂在店外影一張相就吸引唔少人爭相幫佢報導做免費宣傳, 可以話比起其它創業者贏在起跑線上, 零宣傳費。 開業初期吸引唔少人捧場, 但一盤生意最緊要係”守”字, 但見鄧生賣既車仔麵好似特登走貴價食材, 但價錢則係平民價, 相信係相將省下既宣傳費放入食材開支度, 以留住一班客人。

但係車仔麵周街都有, 唔洗特登走去食佢果間, 而佢兩間舖又係旺區, 根本唔依屋村咁可以留住班熟客, 而食客都唔會次次想食花膠, 鮑魚車仔麵, 兩者根本格格不入, 我係食客倒不如去食一人一煲打邊爐, 價錢又差唔多。所以味道永遠都係最重要, 令生意守得住!

無論如何, 輸200萬收場對佢黎講都唔係大數目, 叫做 learn a lesson。

明星創業例子十分多, 而且有人走去更難的台灣創業, 希望殺出一片天, 當中要數蔣雅文, 佢近日都係網上發文話好難捱, 揾網友教路。

屠文使者

Leave a Reply

Your email address will not be published. Required fields are marked *

Back to top