生果日報啲報導越來越誤導!

近幾年睇新聞都係睇開生果日報, 但發現而家啲報導越來越誤導及有欠中立! 就好似下面依單申請馬來西亞移居計劃咁, 貸款買樓既申請人, 在mm2h計劃審批時被指負資產, 不能滿足申請基本要求。生果日報報導時用 “中伏” 去形容, 筆者覺得報導完全失實。另外, 又用 “移民” 來形容 mm2h 計劃, 極度誤導讀者, 因為依個只係一個移居計劃, 跟移民相差十萬八千里。

MM2H 並非移民計劃

首先, 馬來西亞並沒有移民政策, 而mm2h只是一個吸引有某程度資產嘅人去申請, 並在當地買樓及消費, 以促進該國經濟, 而居住期限為10年, 到時候再要續期, 咁你話係唔係移民?

借錢買樓當喺淨資產?

生果日報最可怕嘅地方竟然將是非顛倒, 將借返黎嘅錢當喺個人淨資產合理化, 仲要用 “中伏” 一詞黎形容, 試問有邊個國家嘅移民政策喺可以咁樣接受申請人借錢移民一事? 難道借左嘅錢可以唔洗還? 定喺唸叫人借錢走佬他國?

每個國家嘅移民審批都有佢地嘅一套, 人地只會用你提交嘅資料去批核, 你冇交齊文件或不清楚就係你問題。

雖然生果日報要登記閱讀之後讀者人數開始下跌, 但喺都唔需要咁樣做新聞去換取讀者數目, 咁樣叫人以後點睇你果啲所謂新聞? 寫依篇文章果位人兄有冇操守可言?

相信依篇新聞可以改一下國家名就可以下期重用, 夠晒環保!

屠文使者

Leave a Reply

Your email address will not be published.

Back to top