為何香港人吹水能力好差?

屠文使者最近跟一位國內朋友食晚飯, 當中傾開一個話題, 就是關於亞洲區唔同地區嘅人吹水能力有幾強或者有幾差。大家都異口同聲發現香港人係喺全亞洲區吹水能力比較差的地區。為何有此總結?我們可以先對每個國家的人吹水能力分析一下。

中國內地吹水能力

首先我哋可以睇下中國內地同胞嘅吹水能力。筆者曾經在中國內地打滾一段時間, 而朋友亦是從內地出生然後再到香港讀書, 大家覺得內地人的交談技巧絕對是來得比香港人自然, 而且他們畀香港人知道的國際事情更加多, 國際視野更加闊。無論探討歷史, 天文, 地理, 文化, 思想, 科技等等, 他們都比香港人瞭解得更加多。

反觀香港人在傳統的教育制度下只懂得操練, 而且亦都沒有個人的興趣,有的甚至一日24小時都在怪獸家長的疲勞轟炸之下作出地獄式嘅訓練,所以對於個人社交技巧嘅訓練完全缺乏。

東南亞人吹水能力

再來的就是東南亞國家,當中包括菲律賓, 印尼, 馬來西, 越南, 泰國等地 (新加坡人口結構比較複雜, 暫時不講), 這些國家的人生活水平雖然各有高低, 但是我們旅行或做生意的時候, 都發覺這些地區的人吹水能力都很自然很友善,可以跟你有說不完的話題。

而香港人常請的外傭- 菲律賓及印尼人, 她們更能一日吹夠12小時都唔停, 君不見佢地一邊做家務一邊講電話咩?只要佢地有自己人圍埋一齊就可以傾得一大餐。

反觀我哋香港人只會對鬼佬友善, 但係我哋嘅英文表達能力亦有限, 對於自己香港人以及其他地區嘅人例如東南亞國家或者黑皮膚的人態度差, 甚至有少少歧視。既然都不想交談, 更加莫講話吹水啦。

印度人吹水能力

筆者最想講嘅其實喺大家都估唔到嘅印度人, 佢地除左有好強嘅吹水能力之外, 仲有好幽默的說話技巧, 好多時候更勝鬼佬, 所以而家好多香港大企業高層都喺比印度人做, 因為佢地深受外國人歡迎, 而且價錢又平, 做野能力又高又醒目。香港人真喺被比下去。

台灣人吹水能力

近幾年香港引入不少TVB台灣主持的飲食旅遊節目, 大家都可以睇到香港人主持跟台灣人主持嘅吹水能力有多大分別吧!蘇子芸, 陳瑜心, 梁凱晴等等, 個個都年輕, 睇得又吹得, 唔洗睇稿都可以講到d美食有幾令人流晒口水。香港人主持只識得講好有口感, 彈牙, 入口即溶, 好味, 千篇一律。

為何香港人吹水能力這麼差?

公平一啲咁講, 香港人其實都有唔少人吹水了得, 例如森美, 但喺我只可以講太少依類人, 其他人又吹得太虛無縹緲, 又冇笑點, 又無實據去支持佢地講嘅論點, 所以唔吹好過吹。咁聰明嘅你如果認同筆者睇法, 可能會問為何香港人吹水能力咁差?

個人認為香港人吹水能力差有以下幾項原因:

環境因素 – 香港喺一個很細少嘅地方, 每逢周未大部份人都喺去商場行街, 所有商場嘅店舖又來來去去都大同小異, 喺咁即環境下成長所見所聞不多, 十年如一, 見識自然少, 吹水能力自然有限。

個人因素 – 香港嘅教育制度講到明就喺填鴨式教育, 並唔著重思教, 內容又唔夠實用, 加上家長一味只會推學生去補習, 所以大部份嘅香港人都只是一個考試機械, 除了學習及考試, 就是吃飯及訓覺。沒有自己思想嘅人又怎樣去吹水呢?

識得講中英, 唔代表識思考, 更加唔代表識得吹水, 如果香港人仲唔改變教育制度, 優勢好快消失。

屠文使者

Leave a Reply

Your email address will not be published.

Back to top